69. Похороны. Поминовения

Часть I. Иерусалим, 1726.

Паки мимоидохом село Скуделниче, за Сионом на другой ropе стоящее, идеже странние и пришелци от чуждих стран суще, егда умирают, тамо погребаеми бивают. Село же оное купленно бяше еще от Жидов, в время Страсти, за тие 30 сребренники, ими же продан бисть от Иуди Господь наш Иисус Христос, тако бо сведителствует Евангелист Матфей, в главе 26, в зачале 111*:

«Тогда видев Иуда, предавий Иисуса, яко осудиша его, раскаявся, возврати тридесять сребренники книжником и старцем, глаголя: согреших, предах кровь неповинну. Они же реша: что есть нам ти узриши. И поверг сребренники в церкви, отъиде и шед удавися. Apxиepee же, приемши сребренники, реша: не достойно есть их вложити в корвану (сокровищницу — А.Г.), понеже цена крове есть. Совет же сотворше, купиша ими село Скуделниче, в погребание странним. Темже наречеся село то село крове до сего дне».

Село же убо не оттуду нарицается в еже би жителствоваху в нем людие, никакоже, никтоже бо тамо обитает, но, просте рекше, есть пляц, или майдан, на ropе обретающъся, иже отстоит яко полпоприща от Иерусалима.

странствиясвятые_местазаписки_монаха_XVIIIкладбище_для_иностранцевпохороны_паломников

Источник: [127.0]
Комментарии