2. Обустройство мест проживания

Часть III. Афон

Лавра cв. Афанасия
Лавра, якоже и прочии монастири, от милостины, юже собирает на различных странах, нарочно посилающи иноков, вси свои доходи и расходи имеет…

Афон. Лавра cв. Афанасия

О монастире Пантократоре (букв. «Всевластный», греч. — А.Г.)
Монастырь Пантократора, си есть Вседержителя, внешным зраком ест сицев, якоже зде мною изобразися, от странны западней и полуденной зримый. Отстоит от Карей двема часы шествования, от Ставроникити же единым, и зрятся между собою, понеже стоять оба на рогах високых побрежия, аки на холмех, найпаче же сей на зело твердокаменном и крутонавислом, аки стена, високом болше сажней двадесять от води, удивително и ужасно.

Афон. Монастырь Пантократор

О монастиру Ватопеду (букв. «Куст отрока», греч. — А.Г.)
Сей прослутый и древнейший всех монастирь, нарицаемый Ватопед, отстоит, на томжде восточном примории, от Пантократора двема часы, от Карей же трема, от брега же морскаго яко на стреление лука, на месте равне, между красными елеонамы маслычнимы и виноградами и инымы древамы садовнымы. Отвсюду имущий горы высоки, с густимы и прекраснимы лесамы, точию от севера море, и есть образом троеуголный, но не равностенный, якоже зде от мене с прилежашем начертася от странны северной и западней, с внутрнимы своимы и внешними лепотамы.

Афон. Монастырь Ватопед

В стене же западней суть три врата, едины близь других, от ных же предняя два железом покровенна. Над первымы же и Богородичен образ на стене живописан, с покровом оловяным, ради воспящешя дожда, и кандилом висимым, такожде ради ветра покровенным, еже зажигает тамо приседящий вратар. Ограда же монастирская имат точию три стены, северную, западную и восточно-полуденную, закривленну, аки дугу, ради вишшаго и неравнаго места.
Внутрь же имат пространство болшое, паче инных монастирей, и места празднаго доволно, и на подвории кипарисов изрядных и помаранчов, и лимонов, и инных древес число немало, лепоту зрящым и плоди вкушающим приносящих. И тамо такожде гостинницы летнии и зимныи, странных ради и различных гостей, лепо устроенны, и странноприемник нарочно определен, да восприймует всих приходящих честно и да послушает им в ястве и питии и постилании постель, и пометании, и в всяком упокоении, яко и в предописанных монастирах — в Лавре и в Ивере.

Отнюдуже весело настирах — в Лавре и в Ивере. Отнюдуже весело зрится море на странну северную, на странна же десной монастира, при косой стене, просворница, болница и стайня; при западней же стене житница, пивница, келарня и полата, на подвории же церковь, звоница, библиотека, скарбница, водосвятница, трапеза и поварня; вся от каменей крепко зданна, еще же и дщицами каменными многолетно и лепозрачно покровенна.

Но о достохвалнейших вещех слыши подробну. Тамо великая церковь Благовещения Пресвятыя Богородицы, зело достохвалная расположением и пространством, и внешнею и внутрнею красотою, ея же положеше есть сицево долное, якоже зде от мене изобразися; внешным же зраком есть седмоглавна, вся оловом чисто и гладко покровенна. Созданна же не посреде монастира, но к углу восточному и стене северной приближающаяся. Еще же глава средняя на десять окон разделяется, прочия же суть меншия. Есть же крестообразна, якоже и в Лавре, и в Ивере, разширающаяся на боки кругловиднимы крилосамы, имущая врать тринадесят, семо и овамо в папертех расположенных; долготы же, по мерному обычному хождению, ступаний человеческих тридесять, шыроти же двадесят и осм. Паперти же тамо далече лепотнеи и болшии, паче иных монастирей, и зело краснимы мраморнимы, различноцветнимы дскамы помощенны. Внутрняя паперть имат в долготу ступаний седмь, в широту же равна есть с храмом, си есть ступаний 22; внешняя же паперть в долготу девять, в широту тожде. Сия же имат и два столпа красна, от мармора бела, разделяща на две часты окна, такожде мраморы обложены.

Кроме же сих, обоюду совокупно призданны суть два храмы мении, именуемыи тамо параклисы, со главамы: одесную святителя Христова Николая, кроме столпов, и ошую святаго великомученика Димитрия, с четирма марморнимы столпамы, и над сим инный храм, с чудотворною иконою Богородичнею. Пред всемы же симы простирается великолепое преддверие, от плинф изрядно созданое, с високимы кругами частимы, и верху сих, такожде с нижшимы кругами, суть хоры. Тамо и мендшая библютека, к церковному правилу належащая, и часы на малом столпе, громогласно гласящии, яже вся, совокупно с великим храмом, под единым суть покровом. Преддверие же сице зело пространное, яко в широту имат ступаний четиредесять и шесть, в долготу же пять. Суть внутрь великаго храма великии и драгоценный столпи, крестообразно стоящии и всю тяготу его держащии, котории прислал Онорий от Рима, якоже пред рекох. Сии от Греков именуются порфирнии, а по Турецку сумаки. Имут вещество зело твердое, аки кремень, зрак же пестрый, на них же черное с белым смешение зрится.

…поварня, пекарня и полата. Имат же и арсенар крепок, при брегу каменнозданный, с двема враты, идеже малие и великии корабле монастирскии, в время нaвoлнeния морскаго, извлекаются художестне колесом, ради сохранения; при нем же стоит и источник води, с горницею, ради утоления жажди и ради упокоения и прохлаждения странных же и своих, от моря припливающих. Таможде недалече и храмина особливая, ради хранешя ладий риболовных.

странствиясвятые_местазаписки_монаха_XVIIIрелигиямонастыри_АфонаПантократораВатопед

Источник: [18.160]
Комментарии