2. Обустройство мест проживания

Первое посещение Афона. Часть I.
Монастирь четвертий, Ватопет именуемий, первий ветхостью строения.

Болший от всех первих расположением, и красен строением. Церковь началную имат велику и лепу, глави покровенны цению суть, внутрь же вся иконописанна иконами Святих и историями, отъчасти же и мусиею упещренна, древним делом, обаче искусним. Храм Благовещения есть. Подножие ея все мрамором различним усланое, кандидами же и свещниками лепо устроенна. Чудесами прославляется многими, от их же зде три токмо полагаю началнейших икон чудотворних Пресвятия Богородица.
Первая чудотворная икона Пресвятая Богородицы стоить внутрь велекия церкве на горнем седалищи, зело ветха, но вся златом покровенна, кроме лиц Ея и Христа Младенца, Егоже держит на руках Своих, иже черни и поразседахуся ветхости ради своей…

Монастирь седмийнадесять, святаго Пантелимона.
Монастирь оный не велик, обаче лепотен, якоже и прочиии, бяше строением, нине уже обетша, понеже много лет пуст стояше и не бяше даже доселе кому онаго снабдевати. Седит же на месте паче всех монастирей краснейшом и вишшом, на самом верху гор, на месте равном, на земли мягкой и плодоносной, камене неимущей, или зело мало. Токмо лесом окружен великим, в нем же древес до избитка доволно и к палению и деланию ручному, найболше тех, иже плод приносят к ядeнию и иному yпoтpeблeнию, яко то древеса каштановие, бобковие и прочии.
Церковь тамо лепая, якоже и в прочиих монастирех, си есть, верху покров ценовий имат, внутрь же подножие мраморное с пестротами, и иконописанна от глави до ногу, токмо зело ветха и поразседася на многих местех, ктому же несть тако устроенна иконами, кандилами и лампадами, якоже инде; убога бо есть, и не имать что откуду взяти, и не обретается ктитор или досмотритель ея.
Трапеза такожде и пространна и лепо внутрь списанна иконами Святих. Воду имат сладку и здраву, текущую же и почерпателную. Словом рещи, доволно изрядна и на красном месте стоящая обитель, токмо зело нища и убога, яко едва с нудею воскормляется.

странствиясвятые_местазаписки_монаха_XVIIIмонастыриразруха_Афона

Источник: [18.162]
Комментарии

Часть II. Синай. 1728

Церкви же, иже суть на горе Синайстей, есть: первая церковь Спаса, яже есть на конци верха святия ония гори, идеже Мойсей восприять закон. Имать же сия церковь от боку вне, от страни северной, камень, в нем же сокрися Моисей, егда моляше от Бога, да видит Его, и Бог рече ему: сокрийся внутрь камени и тогда узриши хребет Мой, лице же Мое не явитьтися, не узрит бо человек лица Моего и живет. Есть же и до днесь в камени том, яко тип человеческаго тела, угружен, аки пещерица мала, яко плещам человеческим вместитися.

странствиясвятые_местазаписки_монаха_XVIIIрелигияСинайМоисей

Источник: [18.161]