2. Обустройство мест проживания

Часть III. Афон

Гора сия есть великая и високая и преславна издревле, и плодоносна в различнии древеса и богатая зело во источники воднии. Обретается на Белом море*, отнюдуже зрится аки остров, ибо окрест обливается водою морскою, точию малим растоянием, яко на неколико стрелений, наподобии вии, от страни севера присовокупляется к великой земле Фракии и Македонии.

Григорович–Барский, 1744. Хождение на Афон. Ч. III

Еюже узкостию, приходящии посуху от Солуня, входят в гору и от гори также исходят к Солуню чрез три дни, а по морю от Солуня к горе есть растояние миль на 200. От гори убо Солун зрится на запад, а от Солуня гора на восток, и паки от гори на восток отстоит Константинополь и некие два, три острови, а от Константинополя гора зрится на запад, разстоянием миль на 300 и болше; прочии же вси острови Белаго моря и Кипр, и Иерусалим, и Египет от гори оной отстоять на страну полуденную.

На страна убо восточной, наченши числити монастири от конца морскаго до соединения земли великой, суть монастири сии: Лавра, Каракал, Фелофей, Ивер, Котлумуш, Ставроникита, Пантократор, Ватопед, Симмен, Хиляндар, а между сими еще суть Протат, си есть соборная церковь, скит Павелский, Милопотам, скит Пантократорсюй, скит за Пандократором, иногда бывший Русский, и иннии прочии места уединении**.

Григорович–Барский, 1744. Хождение на Афон. Ч. III. Более 30 монастырей, храмов келий

На странне же западней, наченши от прихода земнаго даже до окончена горы, суть ciи: Зограф, Кастомонит, Дохиар, Ксенофон, Рускй, Ксеропотам, Симопетра, Григорият, Дионисият, Святый Павел. Последи же сих суть скити: Святая Анна, Капсокалива, Пророк Илия, Каруле и прочии различнии, иже на концы гори к Лавре приближаются.
Слышится же, яко древными временами многы тамо быша обители, еще же и сам чтох тамо, в записах Греческих ветхих написанно по имены, яко, кроме предпомянутих монастирей, бяху еще шесть инных малых, си есть всех 26, в лето от создания мира, 6902, в царство благочестивейшаго Греческаго Мануила и в времена бывшаго патриархи Цариградскаго кир Антония, но тии шесть раздрушишася и вся истребишася от непостояния времени и многокротных древных варварскых нападений. Два десять же еще и в время моего путешествия, си есть в лета 1744, помощию Божиею хранимы обретахуся, о них же, благый читателю, подробну тебе зде предлагаю повесть.

странствиясвятые_местазаписки_монаха_XVIIIрелигиямонастыри_Афона

Источник: [18.160]

Часть IV. Царьград. Солунь

О создании Цариграда и о пленении его от Турков

Повествуют Греческия и Латинския историки согласно, яко Виз, князь воинств Мегарскых, роди дщерь, именем Антию, и нарече на имя свое и на имя дщеры своей имя граду сему Визания. Мелетий точию, митрополит Афинейский, пишет несогласно, яко Византия изначала создася по взятии Трояди, 96 лета, или пред Рождеством Христовым, за лет 655, от Византа, сина Посидонова, или от Византа, архистратига Мегарскаго.

О Солуне
Град Солунь долготы имат, от Вардар врат до Гелемер врат, от которых идет путь в Святую Гору, ступаний 2772. У святаго Димитрш храм в четиры ряди столпи, едины на другых, вси числом суть 999. Внутрь церквы пещера, идеже мощи его опачивалы и пред нею един столп, от коего миро исходить на всяк год, в день памяти его. В граде всех кипарисов 140.

странствиясвятые_местазаписки_монаха_XVIIIрелигияоснование_Царьграда

Источник: [18.159]